श्रीशारदावर्णमालास्तवः

॥ श्रीशारदावर्णमालास्तवः ॥

श्रीशिवापूज्यपादाब्जा श्रीकन्धरसहोदरी ।
श्रीधुतस्फटिका भूयात् श्रियै मे शारदाऽनिशम् ॥ १ ॥

शारदाभ्रसदृग्वस्त्रां नीलनीरदकुन्तलाम् ।
पारदां दुःखवाराशेः शारदां सततं भजे ॥ २ ॥

रत्नचित्रितभूषाढ्यां प्रत्नवाक्स्तुतवैभवाम् ।
नूत्नसारस्यदां वाणीं कृत्स्नज्ञानाप्तये स्तुमः ॥ ३ ॥

दाडिमीबीजरदनां दान्त्यादिगुणदायिनीम् ।
दानधिक्कृतकल्पद्रुं दासोऽहं नौमि शारदाम् ॥ ४ ॥

यैः सदा पूजिता ध्याता यैषा शृङ्गपुरस्थिता ।
शारदाम्बा लोकपूज्यास्त एव हि नरोत्तमाः ॥ ५ ॥

नमत्सुरीकैश्यगन्धलुब्धभ्रमरराजितम् ।
नतेष्टदानसुरभिं वाणीपादाम्बुजं स्तुमः ॥ ६ ॥

मस्तराजच्चन्द्रलेखा पुस्तशोभिकराम्बुजा ।
त्रस्तैणनयना वाणी ध्वस्ताघं मां तनोत्वरम् ॥ ७ ॥

शारदापादसरसीरुहसंसक्तचेसाम् ।
यतिनां रचितं स्तोत्रं पठतां शिवदायकम् ॥ ८ ॥

Video: https://youtu.be/BLrSw2m1UZ8