रचयिता :- जगद्गुरु श्रीमत् चन्द्रशेखरभारतीमहास्वमी
देवता :- श्रीशारदादेवी
मङ्गलं वरऋष्यशृङ्गनगरवासिनि ।
मङ्गलं सुरत्नभूषणालिभासिनि ॥
दन्तकान्तिनिर्धुताच्छकुन्दडम्बरे ।
शान्तचित्तसेव्यमानपादपङ्कजे ॥
शङ्करार्यरचितदिव्यचक्रमध्यगे ।
किङ्करायितामरेन्द्रमुख्यदेवते ॥
पादनम्रलोकसर्वकाञ्क्षितार्थदे ।
मोदमक्षयिष्णुमम्ब देहि शारदे ॥
॥ इति श्रीशारदागीतम् ॥
No comments:
Post a Comment